ڕۆژی دووشەممە ٨ی ئەیلول، دوو چەکدار لە چوارڕێیانی ڕامۆت لە قودس سواری پاسێک بوون و تەقەیان لە سەرنشینەکان کردووە.

لە هێرشەکەدا شەش کەس کوژراون و ١٥ کەسی دیکەش برینداربوون، کە باری تەندروستی شەش کەسیان ناجێگیرە.

بەپێی زانیارییەکان، دوو چەکدار سواری پاسێک بوون و لە نزیکەوە بە چەکی دەمانچە تەقەیان لە هاووڵاتیانی مەدەنی کردووە.

لە هێرشەکەدا هەردوو تەقەکەرەکە لە ڕووبەڕووبوونەوە کوژراون. میدیاکانی ئیسرائیل ئەم هێرشەیان بە هێرشێکی تیرۆریستی بڵاوکردەوە.

پاڵنەر و وردەکاری تەقەکردنەکە لەژێر لێکۆڵینەوەدایە و بەرپرسانی ئەمنی ڕێوشوێنە ئەمنییەکانیان زیادکردووە و دۆخی ئەمنی قودسیان بە مەترسیدار وەسفکردووە.

دانیشتوانی ناوچەکە و بەرپرسانی ناوچەکە هۆشدارییان لە بەرزبوونەوەی گرژیەکان داوە و داوا لە هەموو لایەک دەکەن ئارام بگرن.

 

 

 

گوڵان: سەردار خەلیل