وەزارەتی گەنجینەی ئەمەریکا و وەزارەتی دەرەوەی ئەمریکا سزاکانیان بەسەر دوو دادوەر و دوو داواکاری گشتی دادگای تاوانەکانی نێودەوڵەتی لە لاهای ڕاگەیاند بەهۆی   هەڵوێستی دژە ئیسرائیل.

بەپێی وەزارەتی گەنجینەی ئەمریکا، سەروەت و سامانی ئەگەری ئەو کەسانە لە ئەمریکا بەستراوەتەوە و دەستڕاگەیشتنیان بە سیستەمی دارایی ئەمریکا قەدەغە دەکرێت.

واشنتۆن ڕایگەیاندووە کە ئەم بەرپرسانە بەشداربوون لە پرۆسەی دەرکردنی فەرمانی دەستگیرکردن دژی بنیامین ناتانیاهۆ، سەرۆکوەزیرانی ئیسرائیل و وەزیری بەرگری ئەوکاتی ئیسرائیل، هەروەها مامەڵەکردن لەگەڵ دۆسیەکانی دژی ئەمریکا و هاوپەیمانەکانی.

دادگای لاهای لە وەڵامی ئەم کارەدا ڕایگەیاندووە، کە بەبێ گوێدانە فشار و هەڕەشەکان بەردەوام دەبێت لە ئەرکەکەی و داوای لە وڵاتانی ئەندام کردووە پشتیوانی خۆیان بۆ ئەم دامەزراوەیە نیشان بدەن.

 

 

 

گوڵان: سەردار خەلیل