ڕۆژی دووشەممە ٢٨ی ئادار، دەنگدان لە هەڵبژاردنی پەرلەمانی کەنەدا کۆتایی هات.

بەپێی دوایین ئەنجامی ژماردنەوەی دەنگەکان، پارتی لیبراڵ بە سەرۆکایەتی مارک کارنی سەرکەوتنی بەدەستهێناوە.

بەپێی زانیارییەکان پارتی لیبراڵ پێویستی بە بەدەستهێنانی لانیکەم 172 کورسی لە کۆی 343 کورسی هەیە بۆ بەدەستهێنانی زۆرینە.

بەپێی ئەو ئەنجامانەی کە لە کاتی بڵاوبوونەوەیدا ڕاگەیەندراون، پارتی لیبراڵ لەسەدا ٤٣.٥ی دەنگەکانی بەدەستهێناوە.

سەرکەوتنی پارتەکە لە کەنەدا بە وەرچەرخانێکی سەرسوڕهێنەر لە ئابووری وڵاتەکەدا ناودەبرێت، کە بەهۆی هەڕەشەکانی دۆناڵد ترەمپەوە بۆ شەڕی بازرگانی دروست بووە.

دوای ئەم سەرکەوتنە، کارنی لە وتارێکدا بە لایەنگرانی گوت: "دۆناڵد ترەمپ هەوڵدەدات ئێمە بشکێنێت بۆ ئەوەی ئەمریکا بتوانێت خاوەنی ئێمە بێت". هەرگیز شتێکی وا ڕوونادات.

مارک کارنی سەرۆکی ئەم پارتە پێشتر ڕەخنەی لە سیاسەتەکانی دۆناڵد ترەمپ گرتبوو کە بریتی بوو لە لکاندنی کەنەدا وەک دەوڵەتی ئەمریکا و سەپاندنی باج و لەبری ئەوە ڕێوشوێنی تۆڵەسەندنەوەی گرتەبەر.

هەڵبژاردنی فیدراڵی کەنەدا لە کاتێکدا بەڕێوەچوو کە پێشتر جەستن ترودۆ؛ سەرۆک وەزیرانی ئەو وڵاتە دەستی لەکارکێشایەوە و پارتی لیبراڵ مارک کارنی بۆ جێگرتنەوەی ڕاسپارد.

 

 

 

گوڵان: سەردار خەلیل