یەکێتی ئەوروپا داوای گەڕانەوەی دانوستانەکانی ئاگربەست بۆ غەززە دەکات
بەرپرسی سیاسەتی دەرەوەی یەکێتی ئەوروپا لە سەردانەکەیدا بۆ میسر، داوای دەستپێکردنەوەی دانوستانەکانی ئاگربەست و ئازادکردنی بارمتەکانی کەرتی غەززەی کرد.
بەرپرسی سیاسەتی دەرەوەی یەکێتیی ئەورووپا لە کۆنگرەیەکی ڕۆژنامەوانیدا لەگەڵ وەزیری دەرەوەی میسر ڕایگەیاند، بە توندی دژی دەستپێکردنەوەی شەڕ و پێکدادانەکانی ئیسرائیلین، کە بووەتە هۆی خەسارێکی ترسناکی مرۆیی لە غەززە. بەرپرسی سیاسەتی دەرەوەی یەکێتی ئەوروپا ئاماژەی بەوەدا کە چارەسەری دوو دەوڵەتی تاکە ڕێگەی ئاشتی بەردەوامە لە میانی دیدارەکانی ئیسرائیل و فەلەستین بۆ زیادکردنی فشارەکان بۆ گەڕانەوەی دەستبەجێ بۆ جێبەجێکردنی تەواوی ڕێککەوتنی ئاگربەست و ئازادکردنی بارمتەکان.
گوڵان: سەردار خەلیل
