ئایا ڕۆژانە زیاتر لە 100 تاڵە موو لە قژی سەرت هەڵدەوەرێت؟ ئەگەری وابێت، ئەوا بەمەبەستی ڕێگرتن لە هەڵوەرینی زیاتری نائاسایی، پێویستیت بە ئەنجامدانی چەند گۆڕانێك لە ستایلی ژیان و مامەڵەكردن لەگەڵ قژدا دەبێت. دەتوانیت بە پەیڕەوكردنی ئەم هەنگاوە سادە و كاریگەرانە هەڵوەرینی قژ تا ڕادەیەكی باش ڕابگریت، كە بریتین لە: هاوسەنگكردنی خۆراكی ڕۆژانە بۆ ڕێگرتن لە كەمیی ئەو ماددانەی كە دەبنە ئەگەری قژهەڵوەرین، وەك: پرۆتین و چەند كانزا و ڤیتامینێك، مەساجكردنی پێستی سەر Scalp massage بە مەبەستی باشتركردنی سووڕی خوێن لە پێستی سەردا، بۆ گەیشتنی زیاتری ئۆكسجین و ماددە خۆراكییە گرنگەكان بۆ تەندروستیی ڕەگەكانی قژ و بەهێزكردنیان، مامەڵەكردنی دروست لەگەڵ قژدا، بۆنموونە كەم بەكارهێنانی كیراتین Keratin و بۆیەی قژ، هاوكات لەگەڵ دووركەوتنەوە لە ستایلكردنی توند كە فشار دەخاتە سەر ڕەگی تاڵە قژەكان و دەبێتە ئەگەری زیاد هەڵوەرینی قژ، مامەڵەی دروست لەگەڵ سترێسدا كە یەكێكە لە هاندەرە گەورەكانی قژهەڵوەرین، هەروەها خواردنەوەی بڕی تەواوی ئاو كە ڕۆژانە لە 2-3 لیتر كەمتر نەبێت.