بەپێی هەواڵێكی پارێزگارى هەولێر كە ئه‌مڕۆ شه‌ممه‌ لەلایەن ڕاگەیاندنی پارێزگاوە بڵاوكرایەوە، بە بڕیارى ڕێزدار مسرور بارزانى سەرۆکى حکومەتى هەرێمى کوردستان، ڕەزامەندی دراوە له‌سه‌ر خەرجکردنى بڕى ملیارێك و 430 ملیۆن و 290 هه‌زار و 240 دینار داوه‌، بەشێوەى نەختینە و قۆناغ لەسەر بودجەى پەرەپێدانى پارێزگاى هەولێر بۆ جێبەجێکردنى ژماره‌یه‌ك پڕۆژە.

بەپێی ئەم هەواڵە ئەو پڕۆژانەی كە پارەكەیان ۆ تەرخانكراوە، بریتین لە: قیرتاوکردنى شەقامە ناوخۆییەکانى گەڕەکى سیمى خاتووناوە، بەگوژمەى 676 ملیۆن و280 هه‌زار دینار. هەروەها

چاککردنەوە وقیرتاوکردنى شەقامە ناوخۆییەکانى شارى کۆیە، بە گوژمەى 221 ملیۆن و  718 هەزار دینار. هاوكات دروستكردن و قیرتاوكردنى  چه‌ند شه‌قامێكى ناوخۆیی له‌گوندى عەزە، بە گوژمەى 333 ملیۆن و 710 هه‌زار و 300 دینار، دوا پرۆژەش قیرتاوكردنى ڕێگاى گوندەکانى (شیلە و کانى ڕەش)ـه بەگوژمەى 198 ملیۆن و 581 هه‌زار و 940 دینار.