ئەوانەی جەستەیان پڕە، حەز بە جەستەیەكی باریك دەكەن، دەتوانن لە ڕێگەی جلەكانەوە ئەو هەنگاوە بگرنە بەر تاوەكو لەش و لاریان بە باریكی و لاوازی دەربكەوێت، ئەویش بە هەڵبژاردنی ئەو جلانە كە كار دەكەن لە نیشاندانی جەستە بە شێوەیەكی باریك و لاواز، تەنانەت ئەگەر جەستەشت پڕ بێت، سەرەتا هەوڵبدە سوود لە جلی ڕەنگی شینی تۆخ وەربگرە: تاكە ڕەنگە كە جەستەت توندوتۆڵ و بچووكتر نیشان دەدات، ئەوانەی جەستەیان پڕە دەتوانن كراس، یان بۆدی، یان قەمیسی شینی تۆخ لەبەر بكەن و پڕیی لەش و لاریان دەشارێتەوە، كراسی تێكهەڵكێشMonif C جۆرە كراسێكە، كە زۆربەی بەشەكانی دەچێتەوە ناو یەكتر و لەیەكتر تێكهەڵدەكێشرێت، جگەی لەوەی جوانیی مێینە و ناسكی جەستە دەردەخات، هەروەها لەشولارت باریكتر و بچووكتر دەردەكەوێنێت. پانتۆڵی جینز : نابێت پانتۆڵێكی تەسك و بچووكتر لە پێوانەی خۆت هەڵبژێری، چونكە جەستەت زیاتر دەردخات، بۆیە دەبێ ئەو جینزانە هەڵبژێریت كە كەمەر بەرز و تا سەر پاژنەی پێ دەبن. پێڵاوی سەرنجڕاكێش: هەوڵدە پێڵاوەكەت لە ڕەنگ و نەخشێكی سەرنجڕاكێش بێت، تا ئەوانەی بەرامبەرت دەبن، ئەوەندە سەرنج نەدەنە لەش و لارت، بەڵكو پێڵاوەكەت سەرنجیان ڕابكێشێت، هەر بۆیە پێڵاوی ڕەنگی نیۆد و مانۆلۆ پلانێك لە پێ بكە، كە قاچیشت باریكتر دەردەخات. تەنوورەی هێڵدار و ڕەنگی ڕەساسی: ئەوانەی جەستەپڕن و خولیای پۆشینی تەنوورەن، دەتوانن ئەو جۆرە تەنوورانە هەڵبژێرن كە هێڵی ستوونی تێدایە و بەمەش لەش و لارت باریكتر دەردەكەوێت.