شی جین پینگ، سەرۆكی چین لە ڕێوڕەسمی 100 ساڵەی دامەزراندنی حزبی شیوعیی ڕایگەیاند، لە سەد ساڵی ڕابردوودا پرسی سەرەكیی حزبەكەی هەستانەوەی چین بوو، لە ئێستاشدا كەوتوونەتە سەر ڕێڕەوی بێ گەڕانەوەی گەشەسەندن و پێشكەوتن.

سەرۆكی چین دەشڵێت وڵاتەكەی لەسەر ڕێڕەوی بێ گەڕانەوەی پێشكەوتندایە و هیچ هێزێك ناتوانێت بیوەستێنێت  و هۆشداریش دەداتە ئەو وڵات و لایەنانەی دەیانەوێت ڕێگری لە گەشەسەندن و زیاتر بەرەوپێشچوونی چین بكەن.

شی جین پینگ ئاماژەی بۆ ئەوەش كرد كە  گەلی چین رێگە بە هیچ وڵاتێكی بیانی نادات كە بە وتەی ئەو ملهوڕی بكات و بیەوێت زیان بە وڵاتەكەیان بگەیەنێت، هەر وڵاتێك نیازێكی وای هەبێت یەك ملیار و 400 ملیۆن چینی بەرامبەری دەوەستنەوە.

شایانی باسە حزبی شیوعیی چین 95 ملیۆن ئەندامی هەیە،  بەگوتەی سەرۆكی چین  وڵاتەكەی بەرامبەر هەر هەوڵێك دەوەستێتەوە كە هەوڵ بدات بەرەوپێشچوونی زیاتری چین ڕابگرێت.