پاپای ڤاتیکان کۆتایی بە سەردانەکەی بۆ مووسڵ و دەشتی نەینەوا هێنا و گەڕایەوە شاری هەولێری پایتەختی هەرێمی کوردستان.

سەرلەبەیانیی ئەمڕۆ یەکشەممە 7-3-2021، پاپا فرانسیس، پاپای ڤاتیکان بە سەردانێکی فەرمی گەیشتە هەولێری پایتەختی هەرێمی کوردستان.

دوای کۆبوونەوەی لەگەڵ سەرۆک بارزانی و سەرۆکی هەرێمی کوردستان و سەرۆکی حکوومەتی هەرێمی کوردستان، پاپا فرانسیس سەردانی شاری مووسڵی کرد و دواتریش لە کەنیسەی تاهیرە لە قەرەقۆش لە دەشتی نەینەوا، نوێژی بۆ مەسیحییەکان کرد.

پاپا فرانسیس کەمێک لەمەوبەر کۆتایی بە سەردانەکەی بۆ مووسڵ و قەرەقۆش هێنا و گەڕایەوە شاری هەولێر.

بڕیارە کاتژمێر 4ـی ئێوارەی ئەمڕۆ، لە یاریگای نێودەوڵەتیی شەهید فەرەنسۆ هەریری، پاپا فرانسیس بە ئامادەبوونی 10 هەزار هاووڵاتیی مەسیحی، گەورەترین قەداس لە عێراق و هەرێمی کوردستان، ساز بکات.












باسنيوز