سه‌رۆكی حكوومه‌تی هه‌رێمی كوردستان، پێشوازی له‌ عوسمان غانمی، وه‌زیری ناوخۆی عێراق كرد و گفتوگۆ له‌ باره‌ی په‌ره‌پێدان هه‌ماهه‌نگیی ئه‌منیی نێوان حكوومه‌تی هه‌رێمی كوردستان و حكوومه‌تی فیدڕاڵی كرا.

ئەمڕۆ شەممە 2021/2/27 مەسرور بارزانی، سەرۆکی حکوومەتی هەرێمی کوردستان، پێشوازی لە عوسمان غانمی، وەزیری ناوخۆی حکوومەتی فیدراڵ کرد و لە دیدارەکەدا گفتوگۆ دەربارەی پەرەپێدانی هەماهەنگیی ئەمنی نێوان حکوومەتی هەرێمی کوردستان و حکوومەتی فیدراڵی کرا، بە تایبەتی كه‌ لەسەر پرسی هێرشە مووشەکییەکەی سەر هەولێر، لە ئەنجامی هەماهەنگیی باشی نێوان حکوومەتی هەرێمی كوردستان و حکوومەتی فیدراڵی، ئەنجامی باش بەدەست هاتوون.

لە دیدارەکەدا جەخت لە گرنگیی جێبەجێکردنی ڕێککەوتننامەی شنگال و دەرچوونی میلیشا و هێزه چەکدارە نایاساییەکان لە دەڤەرەکە کرا.

سەرۆکی حکوومەتی هه‌رێمی كوردستان، وێڕای سوپاسکردنی وەزیری ناوخۆی فیدرڵ بۆ هەوڵەکانی لە پێناو چارەسەرکردنی کێشەکان، ئاماژەی بە بەردەوامیی سیاسەتی گۆڕینی دیموگرافی و دەستدرێژیکردنە سەر هاووڵاتییانی کورد و داگیرکردنی زەویوزارەکانیان لە کەرکووک و ناوچە کوردستانییەکانی دەرەوەی ئیدارەی هەرێم کرد و گوتی ئەم جۆرە دۆخە نائاسایی ونادەستوورییە، لە بەرژەوەندی خەڵکی عێراق نییە و پێویستە ڕێگری لێ بکرێت.

دانوستانەکانی هەرێمی کوردستان و حکوومەتی فیدراڵی تایبەت بە بودجەی عێراق بۆ ساڵی 2021 و هەڵبژاردنەکانی داهاتووی عێراق ، تەوەری دیکەی گفتوگۆکان بوو.












باسنيوز