باره‌گای بارزانی پەیامێکی سەرەخۆشی ئاراستەی ئه‌سعه‌د عه‌دۆ کرد بەبۆنەی کۆچی دوایی (فه‌وزیه‌ سه‌دیق بندیان)ی هاوژینییەوە.

دەقی پەیامەکە:

به‌ناوی خودای به‌خشنده‌ و میهره‌بان

به‌ڕێز، كاك ئه‌سعه‌د عه‌دۆ به‌دڵگرانیه‌كی زۆره‌وه‌ هه‌واڵی كۆچی دوایی خاتوو (فه‌وزیه‌ سه‌دیق بندیان)ـی هاوژینی خۆشه‌ویستی به‌ڕێزتانمان پێگه‌یشت.

پرسه‌ و سه‌ره‌خۆشی ئاڕاسته‌ی به‌ڕێزتان و خانه‌واده‌ و كه‌سوكار و خزمانی بندیان ده‌كه‌ین. خۆمان به‌هاوبه‌شی خه‌می به‌ڕێزتان و خانه‌واده‌ و كه‌سوكارتان ده‌زانین.

له‌ خودای مه‌زن داواكارین گیانی خوالێخۆشبووی هاوژینتان به‌ر دلۆڤانی خۆی بخات و به‌ به‌هه‌شتی به‌رینی شاد بكات، دڵنه‌وایی و ئارامی به‌ به‌ڕێزتان و خانه‌واده‌كه‌تان ببه‌خشێت.

انا للە و انا الیە راجعون

باره‌گای بارزانی
٢١ـی ٢ـی ٢٠٢١
basnews -