بەڕێوەبەرایەتیی پۆلیسی پارێزگای سلێمانی رایگەیاند، مەفرەزەکانی بەشی پۆلیسی فریاکەوتنی سلێمانی بە هاوکاریی لیژنە ئەمنییەکانی ناوشار تۆمەتبارێکیان بە ناوی "س. خ. س." لەدایکبووی 1997 دەستگیر کرد کە لە 2020/10/23ـدا هاونیشتمانییەکی بە فیشەک بریندار کردبوو و پاشان هەڵاتبوو.

سەرکەوت ئەحمەد، گوتەبێژی پۆلیسی سلێمانی راگەیاند: "دوای وەرگرتنی بڕیاری دادوەر پۆلیسی سلێمانی لێکۆڵینەوەکانی دەست پێکرد. شەوی هەینی مەفرەزەکانی بەشی پۆلیسی فریاکەوتن بە هاوکاریی ئەو لیژنە ئەمنییەی کە پێکهێنراوە لە سنەوری پارێزگای سلێمانی توانرا تۆمەتبارەکە بدۆزرێتەوە و دەستگیر بکرێت."

گوتەبێژی پۆلیسی سلێمانی باسیشی لەوە کرد، تۆمەتبارەکە لە کاتی دەستگیرکردنیدا دەست بەسەر چەکێک لە جۆری دەمانچە و ئۆتۆمبێلەکەیدا گیراوە.

سەرکەوت ئەحمەد ئاماژەی بەوە دا، تۆمەتبار بە بڕیاری دادوەر و بەپێی ماددەی 405/31 راگیراوە لێکۆڵینەوە لەگەڵیدا بەردەوامە.
rudaw -