رێدەر خەڵکی شاری قامیشلۆی رۆژئاوای کوردستانە و ساڵی 2015 چووەتە ئەڵمانیا. لە کاتی بڵاوبوونەوەی کۆرۆنادا ئەو بیری لەوە کردووەتەوە پەنیر و رۆنی کوردی بەرهەم بهێنێت. دوای ماندووبوونێکی زۆر ئێستا خاوەنی کارگەیەکی گەورەی پەنیر و رۆنی کوردییە و شەش جۆر پەنیری جیاوازی هەیە و بەرهەمەکەشی لە ئەڵمانیا و تەواوی ئەوروپا دەفرۆشێت.

رێدەر حاجی مستەفا، خاوەنی کارگەی بەرهەمهێنانی پەنیری کوردییە و دەڵێت: "ئەو پەنیر و ماستەی لە کوردستان هەیە، لێرەیش هەیە. لۆرکی کوردیمان هەیە."

قۆناخەکانی دروستکردنی پەنیر سەرەتا بە مەیین دەست پێدەکات و دوایی جۆرە جیاوازەکانی بە رێگەی تایبەت بەرهەم دێن.

لەو کارگە بچووکەدا کە زۆربەی کارکەرەکان کوردن، رۆژانە نزیکەی تۆن و نیوێک پەنیری جیاواز دروست دەکرێت.

دڤێ کارگەها بچووکدا، یا کو پڕانیا کارکەرێن وێ مینا خوەدیێ وێ کوردن، رۆژانە
دکارن نێزیکی یەک تەن و نیڤان پەنیرێن جۆدا دروست بکن.

رێدەر ئەزمووندارە و باش دەزانێت کە مەرج نییە هەموو جۆرە شیرێک پەنیرێکی باشی لێ دروست بکرێت.

دیرک خاوەنی کێڵگەیەکی گاودارییە و لەگەڵیشیدا جووتیاری دەکات. نزیکەی دوو ساڵ و نیوە لەگەڵ رێدەردا هاوبەشن. بە بۆچوونی ئەو رێدەر بە ئەوینێکی زۆرەوە کارەکەی دەکات و پاشەڕۆژێکی گەش چاوەڕێیەتی.

دیرک فێلدهاوز، خاوەنی گاودارییە و دەڵێت: "بە بڕوای من رێدەر پاشەڕۆژێکی باشی هەیە، چونکە ئەو پەنیرێکی زۆر باش دروست دەکات. هەروەها ئەو باش دەزانێت مامەڵە لەگەڵ کڕیاراندا بکات."

پەنیرخۆرەکان دەچنە بەر دەرگەی کارگەکە و پەنیری نوێ بۆ ماڵەوە دەبەنەوە.
rudaw -