ئەمڕۆ دووشەممە تەرمی گەنجێكی کۆچبەری كوردی خەڵكی كەركووك لەڕێگەی تورکیا بۆ یۆنان دۆزرایەوە کە بەهۆی سەرماوە گیانی لەدەست داوە.

هێڤەر جەلال، لە بەشی ئاماری دەزگای لووتكە بۆ کاروباری ئاوارە و پەنابەران رایگەیاند: "ئەمڕۆ دووشەممە 8ی2ی 2021 تەرمی گەنجێكی كوردی خەڵکی کەرکووک بەناوی محەمەد ئەحمەد، لەڕێگەی توركیا بۆ یونان دۆزراوەتەوە کە بەهۆی سەرماوە رەقی بردووتەوە و گیانی لەدەست داوە ."

گوتیشی: "لەگەڵ كەسوكاری سەرقاڵی پشكنینی تایبەت بەو گەنجە دەبین و هەوڵی گەڕانەوەی تەرمەكەی بۆ هەرێمی کوردستان دەدەین."

ئاماژەی بۆ ئەوەش كرد: "بەو پێیەی تەرمەكەی بەتەنیا دۆزراوەتەوە، ئاشكرایە قاچاخچی بەجێی هێشتووە".

هێڤەر جەلال گوتی: " لە سەرەتای ئەمساڵەوە ئەوە یەكەم حاڵەتی گیانلەدەستدانی کۆچبەرانە کە بەهۆی سەرماوە تۆمار کرابێت".












باسنیوز