وەزارەتی پەروەردەی حکوومەتی هەرێمی کوردستان وردەکاریی پلانی پەسەندکراو لە کۆبوونەوەی لیژنەی باڵای رووبەرووبوونەوەی کۆرۆنا، سەبارەت بە دەستپێکردنەوەی پرۆسەی خوێندن خستە روو.

بەپێی فەرمانێکی وەزارەتی پەروەردە کە ئاماژە بەوەدراوە، کە قۆناغی یەکی بنەڕەتی تاکو 11ی ئامادەیی (حکوومی و ناحکوومی) بەشێوەی تەناوب لە 7ی2ی2021، دەوام دەستپێدەکەنەوە و دەسەڵاتیش دەدرێت بە بەڕێوەبەری گشتی پەروەردەی پارێزگاکان و ئیدارە سەربەخۆکان بۆ رێکخستنی شێوازی دەوامی تەناوب کە قۆناغەکان رۆژ نا رۆژێک دەوام بکەن.

ئەوەش خراوەتە روو، بەمەبەستی خۆپارێزی دەوامی مامۆستایان بۆ ئەم ساڵی خوێندن 2020 - 2021، وابەستە دەبێت بە کاتەکانی وانە گوتنەوەیان، لەپاش گوتنەوەی وانەکانیان لە قوتابخانە نامێننەوە.












باسنیوز