په‌یڤدارێ پۆلیسێن پارێزگه‌ها دهۆكێ ئاشكه‌را كركو د ماوێ حه‌فتیه‌كى َدا 16 تومه‌تبار ب تاوانا قومارێ هاتنه‌ ده‌سته‌سه‌ركرن و10 جهێن قومارێ هاتنه‌ گرتن".
ئه‌ڤرۆ 1/2/2021ێ هێمن سلێمان، په‌یڤدارێ پۆلیسێن پارێزگه‌ها دهۆكێ كونفرانسه‌كێ رۆژنامه‌ڤانیدا ئاشكه‌راكر:" 10جهێن قومارێ هاتنه‌ گرتن و 16 كه‌س ب تومه‌تا قومارێ هاتینه‌ ده‌سته‌سه‌ركرن هه‌موو بۆ دادگه‌هێ هاتینه‌ ره‌وانه‌كرن و هه‌موو كه‌ل وپه‌لێن قومارێ هاتینه‌ ده‌سته‌سه‌ركرن وهنده‌ك كرێكارێن بیانى دڤان جهێن قومارێ دا بوون لیژنه‌ك هاتیه‌ پێك ئینان بۆ وان ژى پێرابوونێن یاسایی گه‌ل وان ژى هێنه‌ وه‌رگرتن. هه‌كه‌ پێدڤی بوو دێ هێنه‌ ره‌وانه‌كرن بۆ وان ده‌وله‌تان یێن كرێكارێن بیانى ژێ هاتینه‌ ناڤ دهۆكێ دا".
گۆتژى: هه‌ر جهه‌كێ قومارێ لێ بهێته‌ كرن پۆلیس بزانن دهێته‌ گرتن. ئه‌م داخوازێ دكه‌ین په‌نه‌لێن زانستى و ڤه‌كۆلینن زانستى ل سه‌ر مه‌ترسیا قومارێ بهێنه‌ كرن داكو ئه‌ڤ یاریا نه‌مینت چونكو خه‌لكه‌كێ ترۆمبێل و خانیێن خۆ ژبه‌ر قومارێ فرۆتینه‌ و ئه‌م سوپاسیا خه‌لكێ خۆدكه‌ن هه‌ڤكارن بۆ نه‌هێلانا قومارێ و زانیاریان دەنه‌ پۆلیسان ل هه‌ر جهه‌كێ قومارێ تێدا بهێته‌ كرن كو قومار تاوانا رێك پێ ناهێته‌ دان. هه‌ر كه‌سه‌ك بكه‌ت دهێته‌ ده‌سته‌سه‌ركرن وپێرابوون دێ دگه‌لدا هێنه‌ وه‌رگرتن".














باسنيوز