ئەمڕۆ شەممە هێزەكانی سوپای عێراق لە دۆڵی "چای" لە سنووری قەزای داقووقی سەر بە پارێزگای كەركووك، بەرەنگاری تیرۆریستانی داعش بوونەتەوە و ژمارەیەك چەكداری داعش كوژراون.

لویس خزر، قایمقامی قەزای داقووق، رایگەیاند: "پاش ئەوەی لە هەفتەی ڕابردوودا چەند جارێک تیرۆریستانی داعش كەوتنە بەر پەلاماری هێزی ئاسمانیی هاوپەیمانان و عێراقی، ئەمڕۆ شەممە 30ی 1ی2021 هێزەكانی سوپای عێراق لە دۆڵی چای لە سنووری داقووق لەرێگەی وشکانییەوە بەرەنگاری داعش بوونەوە."

گوتیشی: "ئەو ڕووبەڕووبونەوەیە پاش ئەوە هات كە هێزەكانی سوپا ناوچەكەیان كێوماڵ كردووە و دواتر ژمارەیەك چەكداری داعش لە ناوچەكەدا بینراون."

ئەوەشی خستە ڕوو: "ژمارەیەك چەكداری داعش كوژراون و چەك تەقەمەنییەکانیان كەوتووەتە دەستی هێزەكانی سوپای عێراق."













باسنیوز