ل شنگال گرۆپێن چەكدار ژێر دروشمێن خاپاندنێ ناڤ خەلكێدا كار دكەن
میر هەرمان میرزا بەگ، وەكیلێ میرێ ئێزدیان بۆ كارۆبارێن گەنجان راگەهاند: "هندەك هێز و گرۆپ ژ وەلاتێن بیانی هاتینە ناڤ شنگالدا و گەڤان ل خەلكێ مە دكەن و ناهێلن خەلكێ شنگال بگەهتە مافێ خۆ. هەروەسا رێگریێ ل دابینكرنا تەناهی بۆ شنگال دكەن وئاستەنگە دروست دكەن. ئەو هێز و گرۆپ كار دكەن ئێزدیان لاواز بكەن بۆ مەرەمێن خۆ بكار بینن. پێدڤییە ئەو گرۆپ دەستان ژ ڤان رەفتارێن خۆ بەردەن و تێبگەهن و باش بزانن ئێزدی چوو جاران ژ كوردستانێ جۆدا نابن".
زێدەتر گۆتژی: "هەتا پێشمەرگەی كوردستانێ نەزڤرتە شنگال، ئێزدی ناچنە شنگال چونكو بێ پێشمەرگەی چوو جاران تەناهی ل شنگال پەیدا نابیت. ئەم هیڤدارین ئەڤ رێكەفتنا حكومەتا هەرێما كوردستانێ و عێراقێ بۆ باشكرنا رەوشا شنگال هاتیە كرن، بجه بهێت چونكو ئەو رێكەفتن دبەرژوەندیا ئێزدیاندایە".
باسنیوز
