سه‌رۆك مه‌سعود بارزانی، بەبۆنەی جەژنی سێ شەوەی یاران (قەوڵتاس)، په‌یامێكی پیرۆزبایی ئاراسته‌ی كاكه‌ییه‌كان كرد و هیوای خواست كاكه‌ییه‌كانی كوردستان جەژنەكانیان لە ئاسوودەیی و ئارامیدا بكەنەوە و هەردەم دوور بن له‌ ناخۆشی.

ده‌قی په‌یامه‌كه‌

بەناوی خودای بەخشندە و میهرەبان

بە بۆنەی هاتنەوەی جەژنی سێ شەوەی یاران (جەژنی قەوڵتاس)ـی كاكەییەكان پیرۆزباییەكی گەرم لە خوشك و برایانی كاكەیی كوردستان دەكەم. هیوادارم هەموو جەژنەكانیان لە ئاسوودەیی و ئارامیدا بكەنەوە و هەردەم دوور بن لە ناخۆشی و كۆتایی بەو ئێش و ئازارانە بێت كە لە ماوەی ڕابردوودا خوشك و براییە كاكەییەكانمان و پێكهاتەكانی تر لە دەست تیرۆریستان بینیویانە.

هیوای خۆشی و كامەرانیتان بۆ دەخوازم

مسعود بارزانی

27ـی کانوونی دووەمی 2021
k24 -