رێڤەبەریا پۆلیسێ دهۆكێ رونكرنەك بەلاڤ كر
هێمن سلیمان، پەیڤدارێ پۆلیسێن پارێزگەها دهۆكێ ل پەیچی خوە ل (فیسبووكێ) ئەڤرۆ 20/1/2021 راگەهاند كو گەشتێن بەفرێ دەستپێكرینە لەورا داخوازێ ژ خەلكێ خۆ دكەین ل دەمی دەركەفتنێ بۆ گەشتێ خۆ ژ دیاردەیێن نە شارستانی دوور بكەن وەكو هاڤێتنا گولەیان ودیاردا تەقەكرنێ وهەلگرتن وبكارئێنانا چەكی ب مەرەما نێچیرێ و ڤەخوارنا مەی ل جهێن گشتی و گەشتیاری و یاریكرن ب جادێ وهاژۆتنا ترۆمبێلێ ب شیویەكێ نە دروست هەروەسا دخوازێ دكەین كەس ل جهێن بلند وئاسێ و جهێن دوور وهەتا دەرنگ ب شەڤ نەمینن".
ئاشكەرا كر كو: "هەر دیاردیەكا نەشارستانی یا بیتە ئەگەرێ مەترسیێ چ بۆ گیانێ وەلاتیان ورەوشا ئارامیا دەڤەرێ پێ بهێتە تێكدان دخوازین وەلاتی دەمێ گەشتا بەفرێ دا خۆ ژێ دووربكەن . بلا وەلاتی پتر هەڤكاربن بۆ هەر روودانەكێ پەیوەندی ب پۆلیس و تیمێن ساخلەمیێ بكەن".
باسنيوز
