بەڕێوەبەری پۆلیسی ناحیەی سلێمان بەگی سەر بە قەزای خورماتوو، دەستگیركردنی چوار تیرۆیستی داواكراوی لە سنووری ناحیەكە راگەیاند.

عەقید مەهدی حەسەن، بەڕێوەبەری پۆلیسی ناحیەی سلێمان بەگ، رایگەیاند: "ئەمڕۆ دووشەممە ١٨ی ١ی ٢٠٢١ لەلایەن هێزەكانی پۆلیسی سلێمان بەگ و هێزەكانی دەزگای هەواڵگریی عێراقەوە، چوار تیرۆریستی داواكراو لە ناحیەی سلێمان بەگ دەستگیر كراون."

گوتیشی: "ئەو تیرۆریستانە دەستیان لە چەندین تاوانی جۆربەجۆردا هەبووە و لەدژی هێزە ئەمنییەكان شەڕیان کردووە."

بەڕێوەبەری پۆلیسی سلێمان بەگ باسی لەوەش كرد: "ئەو تیرۆریستانە خەڵكی ناوچە جیاجیاكانی سنووری خورماتوون."











باسنيوز