هێزەكانی دەزگای هەواڵگری لە بەڕێوەبەرایەتیی دەزگای هەواڵگریی كەركووك دەستیان بەسەر پێنج ئۆتۆمبێلی بێ سەرەتادا گرتووە و هاوكات چوار كەسیش دەستگیر كراون.

عامر نووری، گووتەبێژی بەڕێوەبەرایەتیی پۆلیسی كەركووك، رایگەیاند: "ئەمڕۆ چوارشەممە ٦ی١ی٢٠٢١ لەلایەن هێزەكانی دەزگای هەواڵگری لە بەڕێوەبەرایەتیی هەواڵگریی كەركووك، لە ناوچەی سەوزی كەركووك و لەنێو پیشانگایەكی ئۆتۆمبێل دەست بەسەر پێنج ئۆتۆمبێلی بێ سەرەتادا گیراوە."

گوتیشی: "بەو هۆیەوە چوار كەس دەستگیر كراون كە دانیان بەوەدا ناوە بازرگانی بەو جۆرە ئۆتۆمبیلانە دەكەن."

گوتەبێژی پۆلیسی كەركووك، راشی گەیاند: "ئۆتۆمبێلەكان دەستیان بەسەردا گیراوە و ئەو كەسانەش كە بازرگانییان پێوە كردوون، بەپێی مادەی 443 ی یاسای سزادانی عێراقی راگیراون."












باسنيوز