دوای چوار رۆژ لە خنکانی منداڵێكی خەڵكی دووبز لە پڕۆژەی ئاوی قەزاكە، پێشیوەڕۆی ئەمڕۆ چوارشەممە تەرمەكەی دۆزرایەوە.

وەلید حەمدانی، گوتەبێژی قایمقامیەتی دووبز، ڕایگەیاند: "پێشنیوەڕۆ ئەمڕۆ چوارشەممە ٦ی١ی٢٠٢١ تەرمی ئەو منداڵە دۆزرایەوە كە چوار رۆژ پێش ئێستا لە پرۆژەی ئاوی قەزای دووبز خنكابوو".

گوتیشی: "لەو رۆژەوە ئەو منداڵە خنكاوە تیمەكانی مەلەوانی بەردەوام لەگەڕاندا بوون بۆ دۆزینەوەی تەرمی ئەو منداڵە و سەرەنجام تەرمەكەی دۆزرایەوە و لەناو ئاوەكە دەرهێندرا".

منداڵەكە ناوی (یووسف ئەحمەد)ە و تەمەنی نۆ ساڵە.












باسنیوز