له ههولێر دهست بهسهر ئۆتۆمبێلێكدا گیرا كه شۆفێرهكهى خەڵکی بێزار دەکرد
ئهمڕۆ چوارشهممه 30/12/2020، بهڕێوهبهرایهتیی پۆلیسى پارێزگاى ههولێر، ڕاگهیاندراوێكى له پهیجى فهرمیی خۆى، له تۆڕى كۆمهڵایهتیی (فهیسبووك) بڵاو كردووهتهوه، تێیدا هاتووه: "بەشی پۆلیسی فریاکەوتنی هەولێر، لە گەڕەکی بەختیاری دەستیان بەسەر ئۆتۆمبێلێکی جۆری (دۆج چارجەر)دا گرت، کە شوفێرەکەی نمایشی دەکرد و پێچەوانەی یاساکانی هاتوچۆ بە خێرایی ئۆتۆمبێلی لێدەخوڕی و خەڵکی بێزار دەکرد".
پۆلیسى ههولێر له ڕاگهیاندراوهكهدا ئهوهشى خستووهته ڕوو، بە مەبەستی سزادانی، ئۆتۆمبێلەکە ڕادەستی پۆلیسی هاتوچۆ کرا.
باسنيوز
