قایمقامێ دهۆكێ: ئەم ناھێلن ژ بەر گرانبوونا دولاری خەلك بھێت ئیستغلالكرن
جەهوەر عەلی عەزیز، قایمقامێ قەزا دهۆكێ دیار كر كو: "چەندین لیژنە دوڤچوونا بازارێ دهۆكێ دكەین وهژمارێن لیژنە ژی بەلاڤكرینە دخوازین فرۆشیار و خەلكێ هەڤكار بن وئیستغلال نەهێتە كرن دڤێ رەوشێ دا ژبەر بلندبوونا بهایێ دولاری. باشتر ئەو بوو بەغدایێ ڤێ شێوایێ پارێ خۆ بێ قیمەت نەكەت نۆكە گەلەك خەلك زەرمەندبوویە ب تایبەتی ژی خەلكێ هەژار و مۆچە خۆر دێ زەرمەندبن. ئەم وەكو قایمقامیا دهۆكێ ل سەر خەتێ نە مە لیژنێن خۆ هانداینە بۆ دوڤچوونا ڤێ بابەتێ وهژمارێن خۆ پتر بەلاڤ بكەن بۆ هندێ خەلكێ پەیوەندێ بكەن هەكە جهەكێ ئیستغلالێ بهێتە كرن".
ئاشكەرا كر كو: "گرانبوونا بهایێ دولاری دی كاریتكرنا خۆ كەت وخەلكەك هەیە دبیت ڤێ چەندێ بخۆ ئیستغلال بكەن مە پێ باشە ئیستغلالێ نەهێتە كرن داكو پتر بارگرانیی دروست نەبیت".
جەهوەر عەلی،ئەو چەندە ژی دیار كر كو هەموو لیژنێن دوڤچوونێ هاتینە راسپاردن بۆ ئەنجامدانا دوڤچوونێ ل سەر بازارێ و نەهێلانا چیبوونا ئیستغلالێ هەكە جهەكێ هەبیت هەتا ژی دگەل كومپانیێن سەرەكیێ یێن كەل وپەلێن خۆارنێ ژی دێ دوڤچوون هێتە كرن كا بەرێ بلندبوونا بهایێ دولاری بها چاوا بوویە ونۆكە چاوایە داكو ئەم مایتیكرنێ بكەن نەهێلن ئیستغلالێ بهێتە كرن".
باسنیوز
