پشتى کۆ ل دەستپێکا چریا ئێکێ یا ئەڤ سالە، ئەنجۆمەنێ پارێزگەها دهۆکێ دەنگدان ل سەر ٦ بەربژێرێن نۆی بۆ رێڤەبەریێن گشتی دای، بەریا دوو رۆژان ب ئامادەبوونا هەردوو وەزیرێن ساخلەمی و کارەبا حکۆمەتا هەرێما کوردستانێ، هەردوو رێڤەبەرێن گشتی یێێن ساخلەمى و کارەبێ ل پارێزگەها دهۆکێ هاتن گۆهرین و ژڤانە ل دەستپێکا ڤێ حەفتیێ ٤ رێڤەبەرێن دیتر ژى بهێن گۆهرین.

د.عەلى تەتەر، پارێزگارێ دهۆکێ ل رێورەسمێن گۆهرینا رێڤەبەرێ ساخلەمیێ د کۆنگرەیەکێ رۆژنامەڤانى دا تەکەز کربو کۆ دێ ل دەستپێکا ئەڤێ حەفتیێ چار رێڤەبەرێن گشتی ل دهۆکێ هێن گۆهرین و بەریا دوو رۆژان کۆ ٢ رێڤەبەر هاتبون گۆهرین کۆ سەرجەمێ وان شەش رێڤەبەرێن گشتی نە.
پارێزگارێ دهۆکێ ئەو چەندە ژى دیار کربو، ژڤانە سوبەهی رۆژا ئێک شەمبى رێکەفتى ١٣/١٢/٢٠٢٠ دوو رێڤەبەرێن دیتر بهێ، گۆهرین و رۆژا دووشەمبى ژى دوو رێڤەبەرێن دیتر یێن نۆی دەستبکار بن.

جهێ ئاماژەدانێ یە، دەمێ دوو رۆژێن بۆرى دا هەردوو رێڤەبەرێن نوی یێن ساخلەمی و کارەبا دهۆکێ دەستیکار بوونە وژڤانە ل دەستپێکا ئەڤێ حەفتیێ هەر چار رێڤەبەرێن دیتر کۆ پێک دهێن ژ رێڤەبەرێن رەوشەنبیری و هونەری و ئەوقاف و کارۆبارێن ئاینی و چاندن و رێڤەبەرێ گەشت و گۆزارێ ل دهۆکێ کۆ ٤ رێڤەبەرێن نوی نە دێ دەستبکار بن.













باسنيوز