لە سنووری پارێزگای کەرکووک، دوو تیرۆریستی داعش دەستگیر کران کە یەکێکیان فەرماندەی قەناس بەدەستەکانی داعشە.

لەمبارەوە، ئەمڕۆ چوارشەممە ۲ی١٢ی٢٠٢٠ لیوا ئەنوەر عەباس، بەرپرسی ڕاگەیاندنی پۆلیسی فیدرالیی عێراق، بە (باسنیوز)ی ڕاگەیاند: "پۆلیسی فیدرالیی عێراق لە بازگەیەکی سنووری کەرکووک، چەکدارێکی داعشیان دەستگیر کرد کە لە سنوورەکە بەرپرسی قەناس بەدەستەکانی داعش بووە".

گوتیشی: "هاوکات پۆلیسی فیدرالیی عێراق لە سنووری ناحیەی ریازی سەر بە کەرکووک، تیرۆریستێکی دیکەی داعشیان دەستگیر کردووە، ئەو تیرۆریستانە بەپێی مادەی ٤ی تیرۆر لەلایەن دادگاوە داواکراون".












باسنيوز