رێڤەبەرێ‌ ئاڤا قەزا ئاكرێ‌ راگەهاند، كار د چێكرنا پرۆژەیێ‌ ستراتیژی یێ‌ ئاڤا ئاكرێ‌ دا ل سەر زێیێ‌ مەزن یێ‌ بەردەوامە و نها سەدێ‌ 65 پرۆژە ب داوی هاتیە و پێشبینی دهێتە كرن د سالا نوو دا پرۆژە دەست بكار بیت.
ئەندازیار زرار ئەحمەد، رێڤەبەرێ‌ ئاڤا قەزا ئاكرێ‌ دیار كر، پرۆژەیێ‌ ستراتیژی یێ‌ ئاڤا ئاكرێ‌ ئێك ژ پرۆژێن گەلەك گرنگە بۆ ئاكرێ‌ و زێدەباری دابینكرنا ئاڤێ‌ بۆ سەنتەرێ‌ قەزا ئاكرێ‌، دێ‌ ئاڤێ‌ بۆ سەنتەرێ‌ ناحیا بجێل و بۆ 18 گوندان ژی دابین كەت و ئەگەر ئەڤ پرۆژە تەمام بیت، ئێدی چوو قەیرانێن ئاڤێ‌ ل قەزا ئاكرێ‌ نامینن.
ئەو یەك ژی ئاشكرا كر كو: "حكوومەتا هەرێما كوردستانێ‌ كوژمێ‌ 18 ملیار دیناران بۆ پرۆژەی تەرخانكرینە و نها ب رێژەیا 65% ئەڤ پرۆژە ب داوی هاتیە و ل گەل دانان پرۆژەی ژی، ب درێژاهیا 42 كیلۆمەتران دێ‌ هێلا ئاڤێ‌ ل ئاكرێ‌ هێتە درۆستكرن.
ئەندازیار زرار ئەحمەد خویاژی كر كو: "ئەڤ پرۆژە ژ ئەگەرێ‌ قەیرانا دارایی و شەرێ‌ داعش هاتبوو راگرتن، لێ‌ نها جارەكا دی ب خۆشحالیڤە حكوومەتا هەرێما كوردستانێ‌ پارە بۆ تمامكرنا پرۆژە دابینكرینە".












باسنیوز