ل دهۆكێ 75 زیندانیان د چاكسازیێ دا دەست ب خواندنێ كرن
عرفان محەمەد ئەمین، بەرپرسێ راگەهاندنا چاكسازیا مەزنان ل پارێزگەها دهۆكێ دیار كر، ئەڤرۆ رۆژا 29/9/2019 ل قوتابخانا چاكسازیا مەزنان د ناڤا چاكسازیێ دا، 75 قوتابیان دەست ب خواندنا خوە یا بنەرەتی و ئامادەیی كر و ئەڤ سالە دێ ل قوتابخانا ناڤبری خوینن و ماموستایێن قوتابخانا چاكسازیێ ژی سەرب ب پەروەردا رۆژئاڤا یا دهۆكێ ڤەنە و وانا ل قوتابخانا چاكسازیێ دبێژن.
ئاشكرا ژی كر كو هەموو پێداویستیێن خواندنێ بۆ قوتابیان هاتینە دابینكرن و هندەك ژ وان كەفتینە ژێر سیستەمێ خواندنا بلەز.
ئاشكرا ژی كر كو ل سالا بۆری یا خواندنێ ژ سەرجەمێ (10) قوتابیان ل پۆلا شەشێ وێژەیی هەموو قوتابی دەرچووینە و پلەیێن باش بدەستڤە ئیناینە و ئێك ژ وان قوتابیان كو دادگەهكریە ب ناڤێ (ش) ب رێژەیا 522 كو دبیتە 77%ێ دەرچوویە و شیان هەنە ل كۆلیژەكێ بهێتە وەرگرتن.
باسنيوز
