سەرۆکی هەرێمی کوردستان رایدەگەیەنێت، کە هێزەکانی پێشمەرگەی کوردستان لەپێناو پاراستنی ئاشتی، قوربانییان داوە.

نەتەوە یەکگرتووەکان رۆژی 21ـی ئەیلوولی وەک رۆژی ئاشتیی جیهانی دیاری کردووە.

ئەمڕۆ شەممە 21-9-2019، نێچیرڤان بارزانی، سەرۆکی هەرێمی کوردستان لە هەژماری تایبەتیی خۆی لە تۆڕی کۆمەڵایەتیی (تویتەر)، رایگەیاندووە، هەرێمی کوردستان پابەندە بە پاراستن و بەرەوپێشبردنی ئاشتی.

نێچیرڤان بارزانی بەبۆنەی رۆژی ئاشتیی جیهانی، بیری هەموو لایەکی خستووەتەوە، کە هێزەکانی پێشمەرگە لە شەڕی دژی تیرۆریستان، ”قوربانیی گەورەیان لەپێناو پاراستنی ئاشتی و شکستهێنان بە توندوتیژی و توندڕەوی، داوە“.




باسنیوزو