رێڤەبەرێ‌ ئاڤا دهۆكێ‌ دیاركر ب رێژا 50% خەلكێ‌ سەنتەرێ‌ دهۆكێ‌ پێڤەرێن ئاڤی دمالێن خوە دا داناینە. ئەو شاشێن وەرگرتنا پارەی دا پەیدابووین، هەولێن چارەسەركرنا هەموویان دهێنە دان.

جەلال جەمیل براشی، رێڤەبەرێ‌ ئاڤا دهۆكێ‌ دیار كر: "هیچ بریارەك بۆ راوەستاندنا پێڤەرێن ئاڤی نینە بتنێ هندەك پێشنیاز و بووچون بۆ باشتركرنا سیستەمێ‌ پێڤەرێن ئاڤێ‌ هاتینە كرن. جارێ نۆكە ل دهۆكێ‌ پارە ب رێیا پێڤەران ناهێتە وەرگرتن هەتا مەها نەه ژ ئەڤ سالە. دووڤدا دێ كار ب پێڤەرێن ئاڤێ‌ هێتە كرن و كەسێ‌ نەگرێدەت دێ ب كوژمێ‌ 100 هزار دیناران هێتە سزادان. نۆكە كار دهێتە كرن هەتا كو رێژا 90% خەلكێ‌ پێڤەران دانن پاشی دێ كار لسەر هێتە كرن. پشتی سیستەمێ‌ پێڤەران هاتیە دان رێژا مەزاختنێ دئاڤێدا كێم بوویە".

خویا ژی كر:" هەموو هەولێن مە ژی ئەون وەلاتی كێم ئاڤێ بمەزێخن وهەڤكاریا مە بكەن. ئەو كەسێ‌ كێم ئاڤێ بمەزێخت بێگومان دێ پارەی وی كێمتر هێت ژ وی كەسێ‌ رێژەكا زۆرا ئاڤێ دمەزێخت".










باسنيوز