ل دهۆكێ بو ئێكەم جار ستودیو بۆ پشكا رۆژنامەڤانی هێتە ڤەكرن
سەركەفت رەشید، رێڤەبەرێ پشكا راگەهاندنا سەرۆكاتیا زانكویا پولیتەكنیك یا دهۆكێ د داخویانیەكێ دا دیاركرن: راستە بەری نۆكە هەردوو پشكێن رۆژنامەڤانی و رۆژنامەڤانیا ئەلكترونی چ ستودیو نەبونە كو بشێن وانەیێن خو لێ بجه بینن و ب رەنگەكێ ئەكادیمی فێری كارێ راگەهاندنێ ببن لێ خوشبەختانە ب هەولێن سەرۆكێ زانكویا پولیتەكنیكێ بریار هاتیە دان ستودیویەك بۆ وان هەردو پشكان بهێتە ڤەكرن.
هەمان رێڤەبەری ئەو چەندە ژی دا دیاركرن: هەر سال ل بەشێ رۆژنامەڤانی دەوروبەرێن (100) قوتابیان دهێن وەرگرتن زێدەباری كو بەشێ رۆژنامەڤانیا ئەلكترونی بو دەمێ (3) سالانە قوتابیان وەردگریت و هەتا نۆكە شیایە نێزیكی (150) قوتابیان وەربگریت لەورا بزاڤ دهێتە كرن ستودیو و هەر كارەكێ پێتڤی بۆ وان قوتابیان بهێتە بەرڤەكرن تا كو قوتابی ل هەردو بەشان بشێن وانەیێن پراكتیكی بخوینن، بشێن ببنە رۆژنامەڤانێن ژێهاتی و خزمەتا راگەهاندنا كوردی بكەن.
باسنيوز
