ژمارەیەک پەنابەری نایاسایی لە شاری وان لە باکووری کوردستان گیانیان لەدەست دا و بریندار بوون.

بەپێی هەواڵێکی ئاژانسی (ئەنادۆڵ)، ئێوارەی رۆژی پێنجشەممە 18-7-2019 پاسێک، کە ژمارەیەک پەنابەری نایاسایی هەڵگرتبوو، لە نزیک شاری وان وەرگەڕا.

بەهۆی وەرگەڕانی پاسەکەوە، 15 پەنابەر گیانیان لەدەست داوە و 20 پەنابەری دیکەش بریندار بوون.

پەنابەرەکان لە ئێرانەوە خۆیان گەیاندبووە باکووری کوردستان و تورکیا و دەیانویست لەوێشەوە خۆیان بگەیەننە وڵاتانی ئەورووپا.

محەمەد ئەمین بیڵمز، والیی شاری وان بە ئاژانسەکەی راگەیاندووە، کە تا ئێستا زانیاریی دروست و تەواویان لەبارەی رەگەزنامەی پەنابەرەکان نییە، بەڵام پێدەچێ خەڵکی هەرسێ وڵاتی ئەفغانستان، پاکستان و بەنگلادیش بن.










باسنيوز