ل ئامێدیێ رویدانەکا ترافیکێ کچەک کرە قوربانی
لدۆر رویدانێ ، موقدەم ئازاد تاھا بەرپرسێ پشکا پەیوەندی و راگەھاندنا رێڤەبەریا گشتی یا ھاتن و چوونا پارێزگەھا دھۆکێ د داخویانیەکێ دا دیارکرن: "ئەڤرۆ رێکەفتێ 18/7/2019 ل دەمژمێرا دەوروبەرێن (11:00) سپێدێ ل سەنتەرێ باژێرکێ ئامێدیێ رویدانەک دروست بویە کو ترۆمبێلەکا ڤەگوھاستنا غازێ کچەکێ دکەتە قوربانی".
گۆت ژی: "ئەو ترۆمبێلە کارێ وێ ڤەگوھاستنا غازێ بۆ مالان بویە و ئەڤرۆ سپێدێ دەما مالەکێ داخازا وەرگرتنا غازێ کری و ترۆمبێل چویە بەر دەرگەھێ ئەوێ مالێ، ژ نشکەکێ ڤە کچەک ب ناڤێ (ش.ھـ.م) د ژیێ (10) سالیێ دا بویە خو نێزیکی ترۆمبیلێ کری و شوفێری ئەو کچە نەدیتیە و ترۆمبێل سەر وێ کچێ را دەرباز دبیت و ئەو کچە ھەر ل جھێ رویدانێ گیانێ خو ژ دەست ددەت".
ھەمان بەرپرسی ئەو چەندە ژی دوپاتکر: شوفێرێ ترۆمبێلا غازێ ھاتیە دەستەسەر کرن و رویدان ب شێوەیێ قەزا و قەدەر بویە لێ ڤەکولین دێ یا بەردەوام بیت.
باسنيوز
