وڵاتانی جیهان سەرکۆنەی رووداوەکەی هەولێر دەکەن و هاوسۆزیی خۆیان بۆ کەسوکاری قوربانییەکان نیشان دەدەن.

رۆژی چوارشەممە 17-7-2019، کەسێک لەناو رێستورانتێکی هەولێر تەقەی کرد و بەهۆیەوە دیپلۆماتێکی کونسوڵخانەی تورکیا لە هەولێر و دوو هاووڵاتیی هەرێمی کوردستان، گیانیان لەدەست دا.

دوای رووداوەکە، سەرۆکایەتیی هەرێمی کوردستان و حکوومەتی هەرێمی کوردستان دوو بەیاننامەی جیایان دەرکرد و تێیدا جەختیان لە لێکۆڵینەوە لە رووداوەکە و دەستگیرکردنی تاوانباران، کردەوە.

دواتر ئاسایشی هەولێر بەیاننامەیەکی دەرکرد و تێیدا رایگەیاند، رێگە نادەن رەوشی ئارام و ئاسایشی هەرێمی کوردستان تێک بدرێت و دەستیان بە لێکۆڵینەوە لەو ڕووداوە کردووە و ”تاوانباران بە سزای خۆیان دەگەیەندرێن“.

وڵاتانی جیهان بە دەرکردنی بەیاننامە، سەرکۆنەی رووداوەکەیان کرد و هاوسۆزیی خۆیان بۆ کەسوکاری قوربانییەکان، هەرێمی کوردستان و تورکیا، نیشان دا.

ئەو وڵات و باڵیۆزخانانەی سەرکۆنەی رووداوەکەیان کرد:

- وەزارەتی دەرەوەی تورکیا

- سەرۆکی نێردەی یەکێتیی ئەورووپا بۆ تورکیا

- باڵیۆزخانەی ئەمریکا لە ئەنقەرەی پایتەختی تورکیا

- باڵیۆزخانەی ئەمریکا لە عێراق

- وەزارەتی دەرەوەی عێراق

- سەرۆکی پەرلەمانی عێراق

- نێردەی تایبەتیی سکرتێری گشتیی نەتەوە یەکگرتووەکان لە عێراق

- وەزارەتی دەرەوەی ئوردن

- وەزارەتی دەرەوەی قەتەر

- وەزارەتی دەرەوەی ئێران

- حکوومەتی قوبرسی تورکی

- حکوومەتی بەریتانیا

- ئیئتیلافی نیشتمانیی ئۆپۆزیسیۆنی سووریا








باسنيوز