ئەمڕۆ شەممە لەلایەن کەسانی نەناسراوەوە سەدان مریشکی مردیشکی مردارەوەبوو لە کەناری ڕووباری سیروان فڕی راون و بەرپرسی ڕاگەیاندنی قایمقامیەتی قەزای کەلاریش ڕای دەگەیەنێت سەرجەم لیژنە پەیوەندیدارەکان ڕاسپێردراون بۆ دۆزینەوەی ئەنجامدەرانی.

سیروان حەسەن، بەرپرسی ڕاگەیاندنی قایمقامیەتی قەزای کەلار، ڕايگەیاند: "ئەمڕۆ ۲۲/٦/۲۰۱۹ بە سەدان مریشکی مردارەوەبوو و بۆگەن لە کەناری ڕووباری سیروان لە نێوان هەردوو گوندی "چاڵەڕەش و عیسایی" لەلایەن کەسانی نەناسراوەوە فڕێ دراون".

گوتیشی: "پاش ئاگادارکردنەوەی قایمقامیەت، سەرجەم لیژنە پەیوەندیدارەکانی ئاسایش و ڤێتێرنەریی گەرمیان ڕاسپێردراون بۆ دۆزینەوەی ئەنجامدەرانی".

ڕوونیشی کردەوە: "فڕێدانی مریشکی بۆگەن بەو شێوەیە و لە کەناری ڕووباری سیروان دەبێتە هۆی پیسبوونی ژینگە و بڵاوبوونەوەی نەخۆشی و ئەوەش زیان بە تەندرووستی مرۆڤ دەگەیەنێت".










باسنيوز