ئەمیندارێتیی گشتیی ئەنجومەنی وەزیرانی عێراق راگەیەندراوێک لەبارەی پڕکردنەوەی وەزارەتە بەتاڵەکان بڵاو دەکاتەوە.

لە راگەیەندراوەکەدا هاتووه، ئەمیندارێتییەکە رەتی دەکاتەوە هیچ لیستێک بۆ کاندیدانی پۆستە باڵاکان ئامادە کرابێت و ئەو ناوانەی باس دەکرێن، راستی نین.

ئەمیندارێتیی گشتیی ئەنجومەنی وەزیرانی عێراق ئاماژەی بەوەش کردووە، کە ئەنجومەنی وەزیران جەخت لە دیاریکردنی وەزیرەکان بەپێی توانا و پاکیی کەسەکان دەکاتەوە و لێژنەیەکیش بۆ ئەو مەبەستە پێک هاتووە.

عادل عەبدولمەهدی، سەرۆک وەزیرانی نوێی عێراق، درەنگانی شەوی چوارشەممە 24/10/2018 لە پەرلەمانی وڵاتەکەی سوێندی یاسایی خوارد و 14 وەزیر لە کابینەکەی متمانەیان وەرگرت و هەشت وەزیریش بەهۆی رێکنەکەوتنی لایەنەکان، متمانەیان پێ نەدرا.

بەپێی تەوافوقی لایەنە سیاسییە کوردستانی و عێراقییەکان، وەزارەتی ناوخۆ پشکی شیعەکانە، وەزارەتی بەرگری پشکی سوننەکانە و لەنێوان وەزارەتەکانی دەرەوە و داراییدا، یەکێکیان بۆ کوردە.









باسنيوز