بەرپرسی راگەیاندنی دەستەی گەشتوگوزاری کوردستان نیگەرانە لەو رەوشەی لە سنووری کوردستان ھەیە، بەھۆی شەری نێوان پارتی کرێکارانی کوردستان (پەکەکە) و سوپای تورکیاوە و رایدەگەیەنێت، خەڵک ناتوانن بچنە سەر ماڵ و شوێنی خۆیان ئەوەش کاریگەری لەسەر گەشتیار و نائارامی ناوچەکە کردووە.

نادر روستی، بەرپرسی راگەیاندنی دەستەی گەشتوگوزاری کوردستان رايگەیاند، بەداخەوە لە دەرئەنجامی شەڕی پەکەکە و تورکیا لە خاکی باشووری کوردستان، ”لە کۆمەڵێک شوێن گرفتمان بۆ دروست بووە، کە ناتوانرێت بناسێنرێت و ناتوانین خزمەتگوزاری بۆ ببەین“.

نادر روستی هەروەها رایگەیاند، بەهۆی بوونی پەکەکە لەو ناوچانە، گەشتیاری بیانی ناوێرن سەردانی بکەن.

یەکێکی دیکە لە گرفتەکان، هەروەک روستی رایگەیاند، سەرمایەدار و وەبەرهێنەران ناتوانن پرۆژەی گەشتیاری لەو ناوچە سنووریانە دروست بکەن و ئەوەش زیانی بۆ گەشتیاریی و داهاتی کوردستان دەبێت.









باسنيوز