لە زاخۆ و لە ماوەی یەك مانگدا توركیا 33 جار سنوری ناحیەی دەركارێ بۆردمانی كردووە
رێڤەبەرێ ناحیا دەركارێ راگەهاند، د ماوێ هەیڤەكێ دا 33 جاران ناحیا دەركارێ سەر ب قەزا زاخۆ ڤە ژلایێ فرۆكێن توركیا ڤە هاتیە بۆردومانكرن.
زێرەڤان موسا، رێڤەبەرێ ناحیا دەركارێ دیار كر، د ماوێ 30 رۆژێن بۆری دا ل سنوورێ ناحیا دەركارێ، نێزیكی 30 جاران بۆردومانا فرۆكێن توركیا ل سەر جهێن دەڤەرێ و بنگەهێن پەكەكێ هاتیە كرن و زیانێن مەزن ل ئاقارێ دەڤەرێ داینە و چەندین باغ بیستانێن خەلكێ دەڤەرێ هاتینە ژناڤبرن و ئەڤە ژی بوویە ئەگەر هژمارەكا گوندێن ناحیا دەركارێ هاتینە چۆلكرن و خەلكێ وێ مۆلكێ خوە ب جه هێلایە.
ئاشكرا ژی كر كو بۆردومانا فرۆكێن توركیا ل سەر دەڤەرێ بوویە ئەگەر ژناڤچوونا هژمارەكا زۆر یا بەرهەمێ جۆتیاران و زیان ب ژینگەهێ كەفتینە و چو ئێمناهی نینە خەلكێ دەڤەرێ بۆ كارێن خوە بچنە سەر مۆلك و مالێن خوە.
باسنیوز
