بەڕێوەبەرایەتی نەهێشتنی ماددە هۆشبەرەکان لە بەرێوەبەرایەتی گشتی ئاسایشی هەولێر، رایگه‌یاند، دەستیان بەسەر 48 کیلۆ و 700 گرام ماددەی هۆشبەردا گرتووه‌ .

به‌ڕێوه‌به‌رایه‌تی نه‌هێشتنی مادده‌ هۆشبه‌ره‌كان، لە راگەیەندراوێكدا كه‌ وێنه‌یه‌كی ده‌ست كوردستان 24 كه‌وتووه‌، ئاشكرای ده‌كات، شه‌وی 15ی حوزه‌یرانی 2019، مادده‌ هۆشبه‌ره‌كه‌ ده‌ستی به‌سه‌ردا گیراوه‌ و پێشوه‌خته‌ش زانیارییان له‌ باره‌یه‌وه‌ هه‌بووه‌.

به‌ گوێره‌ی راگه‌یه‌ندراوه‌كه‌، ئەفسەر و کارمەندانی بنکەی نەهێشتنی ماددە هۆشبەرەکانی حاجی ئۆمەران، سەر بە بەڕێوەبەرایەتی گشتی نەهێشتنی ماددە هۆشبەرەکان دوای بەدواداچوونێکی زۆر و رووبەرووبوونەوە لە نزیك شارۆچکەی حاجی ئۆمەران، توانیان دەست بەسەر بڕی 48 کیلۆ 700 سەد گرام ماددەی هۆشبەردا بگرن كه‌ لە جۆری هێرۆیینه‌.

k24 -