بەڕێوەبەرایەتیی ھاتوچۆی گەرمیان لە ڕاگەیاندراوێکی فەرمیدا ئاشکرای کرد، دوو کەس بەھۆی ڕووداوێکی ھاتوچۆ گیانیان لەدەست دا، دوو کەسی دیکەش بریندار بوون.

ئەمڕۆ یەکشەممە 16/6/2019، بەڕێوەبەرایەتیی ھاتوچۆی گەرمیان ڕاگەیاندراوێکی لە پەیجی فەرمیی خۆی، لە تۆڕی کۆمەڵایەتیی (فەیسبووک) بڵاو کردەوە، تێیدا ئاماژە بەوە دراوە، کە بەیانیی ئەمڕۆ، بەھۆی پێکدادانی دوو ئۆتۆمبێل لە جۆری پیکاب و کیا، دوو کەس گیانیان لەدەست دا و دوو کەسی دیکەش بریندار بوون.

باس لەوەش کراوە، ڕووداوەکە لەسەر ڕێگای کەلار - خانەقین و لە نزیک گوندی مێخاس ڕووی داوە، بریندارەکان گەیەنراونەتە نەخۆشخانە.











باسنيوز