ئەمڕۆ سێشەممە هادی عامری ئەمینداری گشتیی ڕێكخراوی بەدر له‌ په‌یوه‌ندییه‌كی ته‌له‌فۆنیدا پیرۆزبایی لە نێچیرڤان بارزانی سه‌رۆكی هه‌رێمی كوردستان كرد و هیوای سه‌ركه‌وتنی بۆ خواست

عامری هیوای خواست پۆستی سه‌رۆكی هه‌رێمی كوردستان‌ له‌لایه‌ن نێچیرڤان بارزانییه‌وه‌ ببێته‌ هۆكاری سه‌قامگیری و پێشڤه‌چوونی زیاتری هه‌رێمی كوردستان و عێراقیش، دووپاتیشی لەسەر بەردەوامی هاوئاهەنگی و هاوكاری نێوان هه‌ولێر و به‌غدا بۆ چاره‌سه‌ری كێشه‌كان و ڕووبه‌ڕووبوونه‌وه‌ی تیرۆر كردەوە.

لای خۆیه‌وه‌ سه‌رۆكی هه‌رێمی كوردستان سوپاسی پیرۆزباییه‌كه‌ی عامری كرد و جه‌ختی له‌ هاوكاری و هاوئاهەنگی زیاتری نێوان هه‌رێمی کوردستان و بەغدا كردەوە، لەگەڵ چاره‌سه‌ركردنی كێشه‌كان به‌ رێگه‌ی دیالۆگ و گفتوگۆ.











باسنيوز