سەرۆکی فراکسیۆنی پارتی دیموکراتی کوردستان لە پەرلەمانی عێراق ڕای گەیاند، سێ سەرۆکایەتییەکەی عێراق بەفەرمی لەلایەن هەرێمی کوردستانەوە بانگهێشت کراون.

د. ڤیان سەبری، سەرۆکی فراکسیۆنی پارتی لە پەرلەمانی عێراق ڕايگەیاند: "حکوومەتی هەرێمی کوردستان هەرسێ سەرۆکایەتییەکەی عێراق و سەرۆکی هەموو حزبەکانی عێراقی بۆ مەراسیمی دەستبەکاربوونی سەرکی نوێی هەرێمی کوردستان بانگهێشت کردووە، هەروەها کەسایەتییە سیاسییەکان و باڵیۆزخانەکان میوانداری دەکرێن و بانگێشتنامەیان بۆ نێردراوە".

هاوکات ئاماژەی بەوەش دا کە رەنگە عادل عەبدولمەهدی، سەرۆک وەزیرانی عێراق بەشداری لە مەراسیمەکەدا بکات و بانگهێشتنامە ئاراستەی ئەویش کراوە.

بڕیارە کاتژمێر ١١ی پێش نیوەڕۆی ڕۆژی دووشەممە ١٠ی ٦ی ٢٠١٩، بە فەرمی، نێچیرڤان بارزانی، سەرۆکی هەڵبژێردراوی هەرێمی کوردستان، سوێندی یاسایی بخوات.











باسنيوز