ئێواره‌ی رابردوو، له‌ ئه‌نجامی وەرگەڕانی مینی باسێک لە گوندی وەرێی خۆشناوەتی دوو پێشمه‌رگه‌ی كۆمه‌ڵه‌ی زه‌حمه‌تكێشانی كوردستان گیانیان لەدەستدا.

پێشمه‌رگه‌كان یه‌كێكیان ئافره‌ته‌ به‌ ناوی لیمۆ كه‌ریمی و ئه‌وی دیكه‌شیان ناوی زێئووس وەکیلی و خه‌ڵكی رۆژهه‌ڵاتی كوردستانن.

هه‌ر له‌و باره‌یه‌وه‌، سکرتاریەتی کۆمەڵەی زه‌حمه‌تكێشانی كوردستان راگه‌یه‌ندراوێكی بڵاوكرده‌وه‌ و تێیدا هاتووه‌: لە کاتی جێگۆڕکێ و گۆاستنەوەی ژمارەیەک لە هاوڕێیانی پێشمەرگەی کۆمەڵە بۆ بنکە سنوورییەکان، یەکێک لە ئۆتۆمبێلەکانی هەڵگری هاوڕێیانی پێشمەرگە لە گوندی "وەرێ" لە نێوان "نواوە" و "مێرگەسەر" لە نزیک "بێتواتە" لە ناوچەی رانییە، تووشی رووداوی هاتووچۆ بووه‌.
K24-