ئەندامێکی سەرکردایەتی پارتی ئاشکرای دەکات، بڕیاری یەکێتی هەرچۆنێک بێت لە داهاتوودا، حکوومەتی هەرێمی کوردستان لە وادەی دیاریکراوی خۆیدا پێکدەهێنرێت.

چنار سەعد عەبدوڵڵا، ئەندامی سەرکردایەتی پارتی دیموکراتی کوردستان بە کوردستان24ی راگەیاند: "بەپێی ئەو وادەیەی بە پەرلەمانتاران گەیشتووە، نێچیرڤان بارزانی 10ی مانگی داھاتوو سوێندی یاسای دەخوات و پێکهاتەکانیش بەشداریی پێکهێنانی حکوومەت دەکەن".

بەپێی زانیارییەکانی کوردستان24، رۆژی 10/06/2019، پەرلەمانی کوردستان له‌ هۆڵی سه‌عد عه‌بدوڵڵا کۆدەبێتەوە و سەرۆکی هەرێمی کوردستان سوێندی یاسای دەخوات.

هەروەها بڕیارە رۆژی 12/06/2019، سەرۆکی هەرێمی کوردستان لە مەراسیمێکدا مەسرور بارزانی بۆ پێکهێنانی حکوومەت رابسپێرێت، سەرۆکی راسپێردراوی حکوومەتیش، ماوەی 30 رۆژ مۆڵەتی هەیە تاکو کابینەی نوێی حکوومەت پێکبهێنێت.




K24