ئەندامێکی سەرکردایەتیی ئەنجومەنی نیشتمانیی کورد لە سووریا (ئەنەکەسە) ئاشکرای کرد کە لەسەر پێشنیازی هاوپەیمانان، شەڕی ڕاگەیاندنی نێوان تەڤگەری جڤاکی دیموکراتیک (تەڤدەم) و ئەنەکەسە ڕاگیراوە.

عیماد برھو، ئەندامی سەرکردایەتیی ئەنەکەسە ڕايگەیاند، هەردوو لایەنی تەڤدەم و ئەنەکەسە لەسەر پێشنیازی فەڕەنسا، رەزامەندبوون لەسەر ئەوەی گفتوگۆی ڕاستەوخۆ لە نێوانیاندا بکرێت و ”ئەنەکەسەش مەرجەکانی خۆی خستووەتە ڕوو، لەوانە ئازادکردنی گیراوەکان و گەڕاندنەوەی موڵک و ماڵی ئەندامانیان و ڕاگرتنی شەڕی ڕاگەیاندن و کردنەوەی بارەگاکان“.

ئەوەشی ئاشکرا کرد کە لەسەر دەستپێشخەرییەکەی فەڕەنسا، وەکوو قۆناغی یەکەم، گرژیی میدیایی و شەڕی ڕاگەیاندن لەلایەن تەڤدەم و ئەنەکەسە ڕادەوەستێت.










باسنيوز