شەوی یەکشەممە لە شاری "شائاباد"ی سەر بە پارێزگای کرماشان فەرماندەی پۆلیسی ئاگاهی (فەرماندەی بەرەنگاربوونەوەی تاوان) لەلایەن کەسانێکی نەنسراوەوە کوژرا.

بەپێی ئەو زانیارییانەی کەلە میدیاکانی ئێرانەوە بڵاو کراوەتەوە شەوی یەکشەممە 2019.9.26 ئۆتۆمبێلی بەڕێوەبەری بەڕێوەبەرایەتیی بەرەنگاربوونەوەی تاوانی شاری "شائاباد" لەلایەن کەسانێکی نەناسراوەوە دراوەتە بەر دەستڕێژ و لە ئەنجامدا "کوورش حاجی‌مورادی" فەرماندەی ئەو بەڕێوەبەرایەتییەی پۆلیسی ئەمنی کوژراوە و کەسێکی دیکەش بریندار بووە.

زانیارییەکان باس لەوە دەکەن سەرەتا ئەو فەرماندە ئەمنییە بریندار بووە و پاش گواستنەوەی بۆ نەخۆشخانە، بەهۆی سەختی برینەکانییەوە گیانی لەدەست داوە.

تاکوو ئێستا هیچ گرووپ و لایەنێک لە حزبە کوردستانییەکانی ئۆپۆزسیۆنی ئێران یان کەسانی دیکە بەرپرسیارێتیی ئەو کوشتنەیان نەگرتووەتە ئەستۆن.










باسنيوز