پشتی ئازادكرنا ناحیا باشیك ل دەشتا مووسڵ و زڤرینەڤەیا ئاكنجیێن وێ‌ بەلێ‌ هەتا نۆكە ترس و نەخۆشی دوماهیك نەهاتینە لسەر خەلكێ‌ وی باژێری و ئەو كارگەه و كۆمپانیایێن بەرێ‌ ل باشیك كاردكر پشتی ئاوارەبوونێ‌ نەزڤرینەڤە باشیك.

زەنوون یونس رێڤەبەرێ‌ ناحیا باشیك راگەهاند: "ل سنورێ‌ ناحیا باشیك هژمارەكا زۆرا كارگەه و كۆمپانیا هەبوون و بەریا داعش دەست ب سەر وێ‌ دەڤەرێ‌ دا بگریت ،پشتی شەر ل دەشتا مووسڵ بەرەڤ باشیك و دەردۆرێن وێ‌ ڤە هاتی هەموو خەلكێ‌ دەڤەرێ‌ ئاوارەیی‌ ناڤ كەمپا بوون ل باشورێ‌ كوردستانێ‌ و هەموو تشتێ‌ خوە هێلان ل جهێ‌ خوە".

گۆتژی: "نۆكە ل ناڤ سەنتەرێ‌ ناحیا باشیك رێژا 95% هاولاتیا زڤرینەڤە سەر جهێ‌ خوە ل دەڤەرێ‌ ب تنێ‌ هندەك كەس نەبن كو ئەو ژی بازرگانن. بەهرا پتر نەشیانە بزڤرنەڤە ژبەركو مەترسی هەیە وكارێ‌ بازرگانیێ‌ ژی ل دەڤەرێ‌ سست بوویە. كەس باوەری نەمایە كارێ‌ بازرگانیێ‌ ب ئاشكرایی و بەرفرەهی بكەت ل دەڤەرێ‌ لەورا هەموو بازرگانێن دەڤەرێ‌ كۆمپانیاو كارگەهێن خوە پشتی ئاوارەیی‌ ل كوردستانێ‌ داناینەو نەزڤرینەڤە سەر جهێن خوە ل باشیك".

تەكەز كر: "بازرگانێن ناحیا باشیك ئەوێن پشتی ئازاد كرنێ‌ نەزڤرینەڤە سەر كارێن خوە ژبەر ترسا حەشدا شەعبی و گروپێن چەكدار بوویە. نەبوونا چو بازارەكێ‌ بۆ كارگەهێن وان لەورا هەمویان كارگەهێن خوە ڤەگوهاستینە بۆ هەرێما كوردستانێ‌ ژبەركو بازارێ‌ وان باشترە و كوردستان گەلەك یا ئارامە هەموو بازرگانا ژی كارێ‌ خوە ڤەگوهاستیە ناڤ كوردستانێ‌".











باسنيوز