سەرلەبەیانی ئەمڕۆ پێنجشەممە ٢٣ی ئایاری ٢٠١٩، ھێزەکانی پێشمەرگەی کوردستان بەھاوکاریی فڕۆکەکانی ھاوپەیمانان، ئۆپەراسیۆنێکیان لە گوندەکانی سنووری شارەدێی (زنانە)ی سەر بە شاری کفری ئەنجام دا، بەڕێوەبەری شارەدێکەش ڕای دەگەیەنێت کە لە ئۆپەراسیۆنەکەدا سێ چەکداری داعش کوژراون.

جەمال ساڵح، بەڕێوەبەری شارەدێی زنانە، ڕايگەیاند: "سەرلەبەیانی ئەمڕۆ، ھێزەکانی پێشمەرگەی کوردستان بە ھاوکاریی فڕۆکەکانی ھاوپەیمانان، لە سنووری گوندەکانی شۆراو و پەلکانەی سەر بە شارەدێی زنانە، ئۆپەراسیۆنێکیان دژ بە چەکدارانی داعش ئەنجام داوە و تائێستاش بەردەوامە".

جەختیشی کردەوە کە لە ئەنجامی ئۆپەراسیۆنەکەدا، مۆڵگە و بارەگاکانی چەکدارانی داعشی تێدا کراوەتە ئامانج، ٣ چەکداری ڕێکخراوەکە کوژراون و ”بەداخەوە ٢ پێشمەرگەش بریندار بوون".

ئاماژەی بەوەش دا: "ئۆپەراسیۆنەکە لەکاتێکدایە کە جموجۆڵی چەکدارانی داعش لە سنوورەکە زیادی کردووە و بەئاشکرا بنکە و بارەگایان کردووەتەوە".











باسنيوز