چەند زانیارییەکی گرنگ لەبارەی مووچەی فەرمانبەران ئاشکرا دەکرێت
سەعید مستەفا تەتەرخان، جێگری سەرۆکی لێژنەی دەستپاکی و سکاڵا لە پەرلەمانی کوردستان ڕايگەیاند، بەدواداچوون بۆ قۆناغەکانی سیستەمی بایۆمەتری دەکەن، تا بزانن کێ دوو مووچەی ھەیە و مووچەی کێ بڕاوە، ”ئەگەریش پێویست بکات، لێژنەی وردبینی دووبارە دروست دەکرێتەوە و دانیشتن و قسەی لەسەر دەکرێت“.
ئەوەشی ئاشکرا کرد کە لە کابینەی داهاتووی حکوومەتی هەرێمی کوردستاندا ”سیستەمی مووچە لە کوردستان ڕێک دەخرێتەوە“.
ڕوونیشی کردەوە: ”کۆمەڵێک جیاوازی لە مووچەی فەرمانبەران و پێشمەرگە و ھێزەکانی ناوخۆ ھەیە، ئەو پڕۆژە یاساییەی کە دامان ناوە، دەبێت مووچە لە کوردستان ڕێک بخرێتەوە، بۆ نموونە فەرمانبەر ھەیە دەرماڵەی لە ٥٠٪ و فەرمانبەریش هەیە لە ٢٠٪یە، یان زیاتر و کەمتر، ئەمانە سەرجەمیان ڕێک دەخرێنەوە“.
باسنيوز
